कुल जनसंख्याको करिव ६६ प्रतिशत रोजगारीको अवसर प्रदान गर्ने कृषि क्षेत्र नेपाली अर्थतन्त्रको प्रमुख आधार हो।क्षेत्र भने यस्को कुल ग्राहस्थ उत्पादनमा करिब ३३ प्रतिशत योगदान छ । त्यसैले पनि कृषि क्षेत्रको विकास राष्ट्रिय अर्थतन्त्रको विकासका लागि महत्वपूर्ण छ। देशको कुल गार्हस्थ्य उत्पादनमा करिब ११ प्रतिशत र कुल कृषि गार्हस्थ्य उत्पादनमा २६.८ प्रतिशत योगदान गर्दै आएको पशुपंक्षी क्षेत्रको विशेष आर्थिक महत्व राख्दछ। कृषि र पशुपंक्षी क्षेत्रको व्यवसायीकरण, आधुनिकिकरण तथा औद्यागिकीकरण गर्दै कृषिजन्य वस्तुमा आत्मनिर्भर बनाउँदै आयात प्रतिस्थापन र निर्यात गरी अघि बढ्न आजको आवश्यकता हो। नेपाल विश्व व्यापार सङ्गठन तथा विश्व पशु स्वास्थ्य सङ्गठनको सदस्य राष्ट्र भए पश्चात् त्यस्तो राष्ट्रका हैसियतले कृषि तथा पशु विकास क्षेत्रमा पूरा गर्नुपर्ने दायित्व निर्वाह गर्न विकासका बिभिन्न साझेदारहरुसँग समन्वय गर्दै कृषि तथा पशुपंक्षी विकासका कार्यहरु गर्नुपर्ने देखिन्छ। दिगो विकास, खाद्य र पोषण सुरक्षा जस्ता लक्ष्य प्राप्त गर्न कृषि तथा पशुपन्छी विकास कार्यक्रमको ठुलो भूमिका रहेको छ। कृषि तथा पशुपंक्षी विकासको क्षेत्रमा सार्वजनिक निजी साथै सहकारी क्षेत्रको लगानी  समुचित रुपमा वृद्धि गरी देशलाई कृषि तथा पशुजन्य उत्पादनमा आत्मनिर्भर बनाउन सकिने सम्भावना छ र यो आवश्यकता पनि हो। नेपालको संविधान अनुसार तिन तहको सरकार रहने विद्यमान व्यवसथामा प्रदेश सरकार मातहत रही स्थानिय तह र संघिय सरकार संग समन्वयकारी भुमिका खेलेर आर्थिक हिसाबले महत्वपुर्ण पशुपंछी रोग नियन्त्रण रोकथाम आय आर्जनमा सहयोग पुग्ने कार्यक्रम संचालन गर्नु नै यस कार्यालयको प्रमुख उद्येस्य रहेको छ।